ໃນວັນທີ 3 ທັນວາ 2011, ສະ­ຖານ​​ທູດລາວ ປະຈຳຍີ່ປຸ່ນ ທີ່ໂຕກຽວ ໄດ້ຮ່ວມກັບ ພີ່ນ້ອງຊາວລາວ ແລະ ນັກສຶກສາລາວ ທີ່ອາໄສຢູ່ຍີ່ປຸ່ນ ຈັດງານສະ­ເຫຼີມ­ສະຫຼອງ​ ວັນ​ສະ­ຖາ­ປະ­ນາ ສປປ ລາວ ຄົບ­ຮອບ 36 ປີ.

ພິທີຄັ້ງນີ້ ໄດ້ດຳເນີນໄປພາຍໃຕ້ການເປັນປະທານຂອງທ່ານ ສີທົງ ຈິດໂຍທິນ, ເອກອັກຄະລັດຖະທູດ, ທີ່ໄດ້ຂຶ້ນກ່າວປາໃສໂອ້ລົມຕໍ່ຜູ້ເຂົ້າຮ່ວມທັງຫມົດ ປະມານ 200 ກວ່າຄົນ ກ່ຽວກັບ ຄວາມໝາຍຄວາມສຳຄັນຂອງວັນຊາດລາວ 2 ທັນ­ວາ ຕະຫລອດຮອດ ການສ້າງສາພັດ­ທະ­ນາ​ປະ­ເທດ​ຊາດ ໃນຊຸມປີ​ຜ່ານ​ມາ ໂດຍສະເພາະ ແມ່ນໄດ້ເນັ້ນໜັກດ້ານການ ພັດທະນາເສດຖະກິດ-ສັງຄົມ ແລະ ການເຄື່ອນໄຫວການຕ່າງປະເທດທີ່ພົ້ນເດັ່ນ.

ນອກນັ້ນ, ທ່ານທູດສີທົງ ຍັງໄດ້ກ່າວເຖິງ ການພົວພັນສອງຝ່າຍ ທີ່ແໜ້ນແຟ້ນ ລະຫວ່າງ ລາວ-ຍີ່ປຸ່ນ ແລະ ໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ການປະກອບສ່ວນ ຊ່ວຍເຫຼືອອັນໃຫຍ່ຫລວງຂອງລັດຖະບານ ແລະ ປະຊາຊົນຍີ່ປຸ່ນ ແກ່ການພັດທະນາ ເສດຖະກິດ-ສັງຄົມຂອງລາວ ໃຫ້ເຂັ້ມແຂງ ຂຶ້ນໄປເລື້ອຍໆ.

H.E.Mr. Ambassador Sithong Chitnhothinh (4^th from left) received a courtesy call from the Committee on Greater Mekong Sub-Region, the Japan Chamber of Commerce and Industry, led by Mr. Sumitaka Fujita, former Chairman (3^rd from left) and Mr. Kouhei Watanabe, new Chairman of the Committee (2^nd from left), on October 11, 2011, at Lao Embassy in Tokyo.

ຜູ້​ເຂົ້າຮ່ວມ​ທັດສະນະ​ສຶກສາ​ຍີ່ປຸ່ນຄັ້ງ​ນີ້ ປະກອບ​ມີບັນດາ​ພະນັກງານ​ຫນຸ່ມ ອາຍຸ​ລະຫວ່າງ 25-35 ປີ​ ທີ່​​ເຮັດ​ວຽກງານພົວພັນ​ກັບ​ຕ່າງປະ​ເທດ ທັງ​ຫມົດ ຈຳນວນ 50 ທ່ານ ​ຈາກ 5 ປະ​ເທດ​ລຸ່ມ​ແມ່​ນ້ຳຂອງ: ລາວ, ຫວຽດນາມ, ມຽນມາ, ກຳປູເຈຍ ແລະ ໄທ. ​ໂຄງການ​ແລກປ່ຽນ​ດັ່ງກ່າວ ​ແມ່ນ​ການຈັດ​ຕັ້ງປະຕິບັດຕາມ​ການ​ຕົກລົງ​ຂອງ​ກອງ​ປະຊຸມສຸດ​ຍອດ​ຜູ້ນຳ ຍີ່ປຸ່ນ-ປະ​ເທດ​ລຸ່ມ​ແມ່​ນ້ຳຂອງ ຄັ້ງ​ທີ 1 ທີ່​ໄດ້​ຈັດຂຶ້ນຢູ່​ນະຄອນ ຫລວງ​ໂຕ​ກຽວ ​ໃນປີ 2009.

​ໃນ​ການ​ຢ້ຽມຢາມ​ຄັ້ງ​ນີ້, ນອກຈາກ​ໄດ້​ໄປ​ຢ້ຽມຢາມ​ຂ່ຳນັບ​ພົບ​ປະ​ເປັນທາງ​ການກັບ​ພາກສ່ວນກ່ຽວຂ້ອງຂອງ​ຝ່າຍ​ຍີ່ປຸ່ນ​ແລ້ວ, ບັນດານັກ​ການ​ທູດ​ຫນຸ່ມ​ຈາກ​ລາວ ຍັງ​ໄດ້​​ໄປ​ຢ້ຽມຢາມສະຖານທູດ​ລາວ​ປະຈຳ​ໂຕ​ກຽວ ​ນຳ​ອີກ ​ໂດຍ​ແມ່ນ​ທ່ານ ສີ​ທົງ ຈິດ​ໂຍທິນ, ​ເອກ​ອັກຄະ​ລັດ​ທູດ​ລາວ​ປະຈຳ​ຍີ່ປຸ່ນ ​ແລະ ພະນັກ ງານ​ສະຖານທູດ ​ໄດ້​ໃຫ້ການ​ຕ້ອນຮັບ​ ​ແລະ ພົບ​ປະ​ໂອ້​ລົມ ​ເພື່ອ​ແນ່​ໃສ່​ເຮັດ​ໃຫ້ການ​ເຄື່ອນ​ໄຫວ​ຢ້ຽມຢາມ​ຄັ້ງ​ນີ້ ປະສົບ​ຜົນສຳ​ເລັດ ​ເປັນ​ຢ່າງ​ດີ.